Kabar Jowo: Korban Cah Salehah Sedo Poso Senin

Nggone longsor

Jakarta (KW-News). Jenazah korban longsor terowongan dalan arah Lapangan Terbang Soekarno Hatta, Dianti Dyah Cahyani Putri, 12 taon, tekan omah duka ono perumahan Kota Serang Baru kawasan Permata Hijau Blok R No. 7 RT 01/08, Kelurahan Banjar Agung, Kecamatan Cipocok Jaya, Kota Serang.

Dino Selasa, 6 Februari iki, keluarga almarhumah podo tangisan. Rikolo kendaraan kathil sing isi pegawai GMF AeroAsia jam 10.00 WIB, suasana sedih nyelimuti keluarga apik iku. Jenazah diterno ambulan RS Mayapada Tangerang.
Sedih banget keluargane karono almarhumah termasuk cak apik tur salehah. Rikolo musibah tumeko iku, almarhumah lagi poso sunat Senin. Bapake almarhumah, Gatot Tjahjono Susanto sing katon tabah. Deweke melu nyelamatake almarhumah soko reruntuhan mulai Senin wingi.
Gatot karo bojone, Sudiana Susilaning yo katon tabah metu teko ambulan sing nggowo anake. Deweke sempat nyabarake Ganda, kangmase almarhumah sing gak tahan nahan tangis. "Kowe sing kuat nang, ojo nangis, adikmu gak gelem ditangisi," jare ibune almarhumah karo ngusap gegere Ganda.

Almarhumah disareake ono kuburan umum TPU Cengkok, Kota Serang, Banten bar salat Lohor Selasa ini. Mestine almarhumah disalati disik ono masjid perumahan iku. "Rencanane arep disuceni, terus disalati, terus disareke cedak kantor pemkot, TPU Cengkok," jare Ganda sing wis mulai nerimo keadaan. (MH)